Gəncə. Azər Məmmədli - APA. Gəncə şəhər Mənzil Kommunal Təsərrüfatı İstehsalat Birliyinin kadrlar şöbəsinin müdirinin evindən oğurluq edilib.
Gəncə şəhər Nizami rayon Polis İdarəsindən APA-nın qərb bürosuna verilən məlumata görə, Gəncə şəhər Mənzil Kommunal Təsərrüfatı İstehsalat Birliyinin kadrlar şöbəsinin müdiri Gilas Namazova polisə müraciət edərək bildirib ki, noyabrın 4-də evdə olmadığı müddətdə naməlum şəxs və ya şəxslər ona məxsus evin qapısını açaraq mənzildən bir ədəd “Toshiba” markalı kompüter, iki ədəd peyk antenasının blokunu, 2 ədəd pult və hər birinin dəyəri 100 manat olan 2 ədəd “Samsunq” markalı mobil telefonu aparıblar.
Faktla bağlı Gəncə şəhər Baş Polis İdarəsində cinayət işi açılıb. Oğurluğu törədən şəxs və ya şəxslərin tapılması istiqamətində əməliyyat tədbirləri həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
