Azərbaycanda dövlət müəssisələrinin bazarda rəqabət prinsiplərinə nə dərəcədə əməl etdiyi qiymətləndiriləcək.
“APA-Economics” xəbər verir ki, bu, “Rəqabətin inkişafına və inhisarçılıq fəaliyyətinin qarşısının alınmasına dair 2027–2029-cu illər üzrə Milli Fəaliyyət Planı”nda nəzərdə tutulub.
Sənədə əsasən, dövlət müəssisələrinin fəaliyyətində rəqabətli neytrallıq prinsiplərinin tətbiqi təhlil ediləcək və bu istiqamətdə təkmilləşdirmə təklifləri hazırlanacaq. Məqsəd dövlət və özəl sektor iştirakçıları üçün bazarda daha bərabər fəaliyyət şərtlərinin formalaşdırılmasıdır.
Qeyd edək ki, bu tədbir nəzarət zərfi dövlətə məxsus banklara şamil edilməyəcək.
Tədbirin 2027–2028-ci illərdə həyata keçirilməsi nəzərdə tutulur. Nəticədə dövlət müəssisələrinin fəaliyyətində rəqabətli neytrallığın təşviqi üzrə əsaslandırılmış təkliflər hazırlanacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
