Azad edilmiş ərazilər çox güclü iqtisadi potensiala malikdir. Ölkəmizin malik olduğu kritik mineral ehtiyatların 80 faizdən çoxu azad edilmiş ərazilərdə cəmlənib.
"APA-Economics" xəbər verir ki, bunu iqtisadiyyat naziri Mikayıl Cabbarov Bakıda keçirilən İslam İnkişaf Bankının İllik Toplantıları çərçivəsində təşkil olunan dialoqda bildirib.
"Buna görə də mədən sənayesi bu regionlarda iqtisadi fəaliyyətin əsas istiqamətlərindən biridir", - deyə o qeyd edib.