Sənaye və energetika

Ana səhifə

Bakıda «Neftqazçıxarmada yeni texnologiyalar» mövzusunda beynəlxalq konfrans keçirilir

25 fevral 2010 07:55 (UTC +04:00)

Tədbirdə çıxış edən ARDNŞ-in «Neftqazlayihə» Elmi-Tədqiqat İnstitutunun direktoru Fəxrəddin İsmayılov öncə institutun fəaliyyəti barədə məlumat verib. Bildirib ki, konfransın əsas məqsəi neft-qaz yataqlarının işlənilməsində yeni texnoogyaların tətbiqi yollarını araşdırmaqdır. İnstitut bu sahədə müəyyən işlər görür. Konfransda ABŞ, Rusiya, Hollandiya, Türkiyə və s. ölkələrdən nümayəndələr iştirak edir.

ARDNŞ-in prezidenti Rövnəq Abdullayev isə qeyd edib ki, Azərbaycan neft sənayesi həmişə qabaqcıl texnologiyaların tətbiqinə önəm verib. Perspektivli yeni strukturların dənizin daha böyük dərinliklərində yerləşməsi səbəbindən yeni texnlogiyaların tətbiqinə zərurət yaranıb. R.Abdullayev həmçinin bildirib ki, «Əsrin Kontraktı»ndan sonra Azərbaycana 38 mlrd. ABŞ dollarından artıq investisiya yatırılıb. Hazırda ARDNŞ 14 beynəlxalq saziş üzrə, ölkədəki konsorsiumlar və müştərək müəssisələr tərəfindən 61 yataqda iş aparılır.

Aparılmış geoloji tədqiqatlar nəticəsində «Azəri-Çıraq-Günəşli» (AÇG) kontrakt sahəsində neft ehtiyatları 2 dəfə artırılıb. Yataqda 925 mln. ton neftin və 285 mlrd. kubmetr qazın olduğu müəyyənləşdirilib. «Şahdəniz» layihəsinin birinci mərhələsi respublikanın daxili təlabatını tam ödəməyə və qaz ixracatçısı olması istiqamətində nailiyyət idi.

ARDNŞ prezidenti onu da vurğulayıb ki, hədəf 2015-ci ildə neft hasilatını 60 mln. tona, qaz hasilatını 30 mlrd. kubmetrə çatdırmaqdır: «Ötən il 50 mln. tondan artıq neft, 24 mlrd. kubmetr qaz hasil edilib. «Şahdəniz»də işlərin genişləndirilməsi, «Ümid» və «Abşeron» yataqlarının istimara daxil edilməsi hasilatı daha da artıracaq».

R.Abdullayev həmçinin qeyd edib ki, artıq 3 ilə yaxındır ki, ARDNŞ işlədiyi yataqlarda qaz hasilatını artırmaq üçün işlər həyata keçirir. Ötən il 6,9 mlrd. kubmetr qaz hasil olunub ki, bu da 2005-ci illə müqayisədə 80% çoxdur. Hazırda Azərbaycan 30 ölkəyə neft və neft məhsulları ixrac edir.

Konfransda həmçinin «Neft və qaz yataqlarının işlənilməsinə istehsalat və dövlət monitorinqi, işlənmənin idarə olunması», «Neftçıxarmada nanotexnologyalar – mövcud vəziyyət, iddialar və potensial imkanlar» və s. mövzularda çıxışlar olub. Konfrans fevralın 26-da başa çatacaq.