Sənaye və energetika

Ana səhifə

Azərbaycanla Türkiyə arasında təbii qaz sahəsində üç sənəd imzalanıb – YENİLƏNİB-2

Azərbaycanla Türkiyə arasında təbii qaz sahəsində üç sənəd imzalanıb – <font color=red>YENİLƏNİB-2 </font>

07 iyun 2010 14:01 (UTC +04:00)

APA-nın xəbərinə görə, İstanbulun “Çırağan” Sarayında keçirilən imzalanma mərasimində Azərbaycan prezidenti İlham Əliyev və Türkiyənin baş naziri Rəcəb Tayyib Ərdoğan da iştirak edib.

Keçirilən birgə mətbuat konfransında çıxış edən Türkiyənin enerji və təbii ehtiyatlar naziri Taner Yıldız sənədlərin 3 təməl məsələni əhatə etdiyini deyib: Azərbaycandan daha əvvəl alınmış təbii qazın qiymət fərqinin ödənməsi, “Şahdəniz-2” layihəsindən alınacaq qazın qiyməti və miqdarı, eləcə də qazın tranzit tarifləri. Türkiyəli nazir daha əvvəl köhnə tariflə alınmış təbii qaza görə Azərbaycana nə qədər pul ödənəcəyini açıqlamayıb: “Həm Türkiyənin təbii qaza olan ehtiyacı, həm də Avropa ölkələrinin qaz təminatına yönəlmiş layihələr üçün Azərbaycan qazı çox önəmlidir. İmzalanan sazişlə Türkiyənin “Şahdəniz-2” layihəsindən qaz alması təmin ediləcək, 11 milyard kubmetrlik ehtiyata malik bu yataqda Türkiyə də söz sahibi olacaq. “Nabucco” kimi layihələrin qazla təmin olunması baxımından da Azərbaycan çox böyük əhəmiyyətə malikdir”.

T. Yıldız sənədlərdə Azərbaycan Respublikası Dövlət Neft Şirkəti (ARDNŞ) tərəfindən satın alınan Türkiyənin neft-kimya nəhəngi PETKİM-in illik qaz ehtiyacının ödənməsinin də nəzərdə tutulduğunu açıqlayıb. Nazir “hər iki ölkə arasında mövcud olan güclü əlaqələr bundan sonra da davam edəcək. Azərbaycanlı qardaşlarımızı təbrik edirəm”, deyə sözünü tamamlayıb.

Azərbaycanın sənaye və energetika naziri Natiq Əliyev də sazişin imzalanmasını çox böyük və tarixi hadisə adlandırıb.

İstanbulda Azərbaycan Respublikasının Dövlət Neft Şirkəti (ARDNŞ) ilə Türkiyənin BOTAŞ şirkəti arasında təbii qazın satışı və nəqli sahəsində Anlaşma Memorandumu da imzalanıb. Sənədə ARDNŞ-in prezidenti Rövnəq Abdullayev və BOTAŞ-ın İdarə Heyətinin sədri Fazil Şenel imza atıblar.

Qeyd: Fotolar AzərTAc-ındir

azərbaycan_türkiyə_qaz