Bakı. Aynur Əliyeva – APA-Economics. Azərbaycanın «Akkord Sənaye Tikinti İnvestisiya Korporasiyası» ASC Qazaxıstanın Qızılyurd vilayətində «CAREC - Cənub-Qərbi yol layihəsi: Qərbi Avropa-Qərbi Çin Beynəlxalq Nəqliyyat Dəhlizi»nin çəkilməsində iştirak edir.
Qazaxıstan Nəqliyyat və Rabitə Nazirliyinin Yol Komitəsi tərəfindən sifariş verilən yolun tikinti işlərinə 2009-cu ildə başlanılıb.
«Akkord»un mətbuat xidmətinin rəhbəri Afaq Quliyeva «APA-Economics»ə bildirib ki, yolun ümumi uzunluğu 2 787 km təşkil edir.
Ərazi üzrə layihə 14 lotdan ibarətdir. Azərbaycan şirkətinin çalışdığı isə 6-cı (52 km) və 8-ci (55 km) lotlardır. ASC yolun üzərində 15 ədəd körpünün inşası və yenidən qurulması işləri ilə məşğul olacaq.
Layihənin 2014-cü ildə tamamlanması nəzərdə tutulub.
Qeyd edək ki, bu layihə Beynəlxalq Yenidənqurma və İnkişaf Bankı (IBRD) tərəfindən maliyyələşdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
