Balakən. Vüqar Heydərov - APA. Balakəndə 22 yaşlı gənc naməlum şəraitdə bıçaqlanıb. APA-nın Şəki-Zaqatala bürosunun məlumatına görə, hadisə iyulun 16-da axşam saatlarında Balakən şəhəri ərazisində baş verib.
1992-ci il təvəllüdlü Balakən şəhər sakini Əmrah Məhəmməd oğlu Abdullayev aşağı ətrafın sağ bud nahiyəsinin kəsilmiş və deşilmiş yarası ilə Balakən Rayon Mərkəzi Xəstəxanasına daxil olub. Balakən RMX-dan APA-ya verilən məlumata görə, Ə. Abdullayevin üzərində cərrahiyə əməliyyatı aparıldıqdan sonra o, xəstəxananın reanimasiya şöbəsinə yerləşdirilib, hazırda vəziyyəti orta-stabil hesab edilir.
Balakən rayon Polis Şöbəsində faktla bağlı cinayət işi qaldırılıb, Ə. Abdullayevin kim və hansı şəraitdə bıçaqlanması araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
