Sosial

Ana səhifə

Sosial

Bakıda “Sosial məsuliyyət və SƏN” adlı müsabiqənin qaliblərinin təqdimatı keçirilib

09 iyul 2010 15:56 (UTC +04:00)

Bakı. Aynur Vəliyeva - APA-Economics. Bu gün Bakıda “Birliyə Doğru” Əlil və Kimsəsiz Uşaqlara Qayğı İctimai Birliyi, “HP” şirkətinin birgə təşkilatçılığı və “Unibank”ın baş sponsorluğu ilə keçirilən “Sosial məsuliyyət və SƏN” adlı müsabiqənin qaliblərinin təqdimatı keçirilib.

«APA-Economics»in məlumatına görə, tədbirdə iştirak edən layihələrin müəllifləri ideyalarının təqdim edərək, əldə etdikləri nəticə və təcrübəni bölüşüblər.

Təqdimatdan sonra münsiflər heyətinin üzvləri Aynur Quliyeva, Ayna Mollazadə, Elçin Əlibəyli və Rəşad Camal qaliblərin adlarını açıqlayıblar. Səbinə Əkbərovanın “Günəşin qaranlığı” adlı filmi 32 bal toplayaraq müsabiqənin qalibi olub. İkinci yeri “Əlillərin sosiallaşma problemi” adlı layihənin müəllifi Sənubər Heydərli (31 bal), üçüncü yeri isə “Əl işi dərnəyi” layihəsinin müəllifi Aysel Yusifova (27 bal) tutub. Qaliblərə tutduqları yerlərə müvafiq olaraq 500 manat pul mükafatı və “HP Pavilion” kompüteri, 300 manat və HP noutbuku, 200 manat və HP netbuku hədiyyə verilib.

Qeyd edək ki, müsabiqədə iştirak etmək üçün 70 yaxın layihə təqdim edilib. Onlardan 20 layihə finala çıxıb. Bu layihələr arasında radio, video reportajlar, posterlər, uşaq dərnəkləri olub.

Müsabiqənin keçirilməsində əsas məqsəd cəmiyyətdə sosial məsuliyyət anlayışını düzgün istiqamətdə formalaşdırmaq, cəmiyyətin sosial təbəqəyə aid problemlərin həllində iştirakını və müxtəlif sahələrdə məlumatlılıq səviyyəsini artırmağa kömək etməkdir.