Sosial

Ana səhifə

Sosial

Bakı Slavyan Universitetində “Elmi əsərlər”in təqdimetmə mərasimi keçirilib

13 oktyabr 2010 13:25 (UTC +04:00)

Bakı. Ülkər Qasımova – APA. Belarusun Azərbaycandakı səfirliyi və Bakı Slavyan Universtetinin (BSU) birgə təşkilatçılığı ilə “Belarus dili və mədəniyyəti” Mərkəzində BSU və BDPU elmi-pedaqoji kollektivinin birgə fəaliyyətinin nəticəsi olan “Dil-ədəbiyyat” və “İctimai-siyasi elmlər” seriyalarının cəmləşdiyi “Elmi əsərlər”in təqdimetmə mərasimi keçirilib. APA-nın məlumatına görə, tədbirdə çıxış edən Belarusun Azərbaycandakı səfiri Nikolay Patskeviç bildirib ki, Azərbaycanla Belarus arasında bütün sahələr üzrə münasibətlər yüksək səviyyədə inkişaf edir. BSU-nun rektoru, professor Kamal Abdullayev də ölkələr arasında dostluq əlaqələrinin möhkəmləndirilməsində bu sahədə görülən işlərin vacibliyini diqqətə çatdırıb: “Maraqlısı budur ki, nəşrin işıq üzü görməsində redaksiya kollegiyası birgə fəaliyyət göstərib, bu da təqdim etdiyimiz kitabda nəşr olunan elmi əsərlərin səviyyəsinin yüksək olmasından xəbər verir”.
K. Abuallayev tezliklə tədrisə başlayacaq Belarusşünasların gələcəkdə Belarus Respublikasının Azərbaycandakı lobbissinə çevriləcəyinə ümidvar olduğunu dilə gətirib. Azərbaycan Respublikası Prezidenti yanında Ali Attestasiya Komissiyasının və Azərbaycan–Belarus Dostluq və Əməldaşlıq Cəmiyyətinin sədri Arif Mehdiyev də çıxış edərək, iki ali məktəbin yaradıcı kollektivini “Elmi əsərlər”in nəşri münasibəti ilə təbrik edib, belə əməkdaşlıq təcrübəsinin həm tədris-metodik, həm də elmi-nəzəri səpgili problemlərin birgə işlənməsi üçün möhkəm zəmin olacağını nəzərə çatdırıb.