Sosial

Ana səhifə

Sosial

Azərbaycan ərazisində qısamüddətli yağışlar yağacaq

15 oktyabr 2010 10:47 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, gündüz 20-22, axşam 15-17 dərəcə isti olacaq.

Oktyabrın 16-da havanın dəyişkən buludlu olacağı, əsasən yağmursuz keçəcəyi gözlənilir. Səhər zəif duman olacaq. Cənub-qərb küləyi günün ikinci yarısında şimal-qərb küləyi ilə əvəz olunacaq, axşama doğru yarımadanın bəzi yerlərində güclənəcək. Havanın temperaturu gecə 14-16, gündüz 22-26 dərəcə isti olacaq.

Oktyabrın 17-də havanın tutulub açılacağı, əsasən yağmursuz keçəcəyi gözlənilir. Şimal-qərb küləyi əsəcək. Havanın temperaturu gecə 14-16, gündüz 21-23 dərəcə isti olacaq.

Oktyabrın 18-də havanın tutulub açılacağı, əsasən yağmursuz keçəcəyi ehtimalı var.
Gündüz hava dəyişkən buludlu, əsasən yağmursuz keçəcək. Şimal küləyi əsəcək.
Havanın temperaturu gecə 13-15, gündüz 20-22 dərəcə isti olacaq.

Azərbaycanın rayonlarında oktyabrın 16-da gecə və axşam bəzi dağlıq və dağətəyi ərazilərdə şimşək çaxacağı, yağış yağacağı, gündüz havanın açılacağı, əsasən yağmursuz keçəcəyi gözlənilir. Səhər ayrı-ayrı yerlərdə duman olacaq. Qərb küləyi əsəcək, arabir güclənəcək. Gecə 14-17, gündüz 23-28, dağlarda gecə 4-9, gündüz 14-19 dərəcə isti olacaq.

Oktyabrın 17 və 18-də havanın tutulub açılacağı, əsasən yağmursuz keçəcəyi gözlənilir. Lakin oktyabrın 17-də axşam və oktyabrın 18-də gecə və axşam saatlarında bəzi yerlərdə şimşək çaxacağı, qısamüddətli yağış yağacağı ehtimalı var. Qərb küləyi əsəcək. Havanın temperaturu gecə 12-16, gündüz 22-25, dağlarda gecə 5-9, gündüz 12-17 dərəcə isti olacaq.

hava