Sosial

Ana səhifə

Sosial

USAID Azərbaycanda yeni səhiyyə layihəsinə dəstək verir

27 oktyabr 2011 09:53 (UTC +04:00)

Bakı-APA. “ABŞ və Azərbaycan hökumətləri Azərbaycan əhalisinə göstərilən səhiyyə xidmətlərini təkmilləşdirmək məqsədilə son altı ildə çox sıx işləyib. Bu əməkdaşlığın davamı olaraq, ABŞ-ın Beynəlxalq İnkişaf Agentliyi bu yaxınlarda yeni iki illik “Azərbaycanda səhiyyə sektorunun gücləndirilməsi” layihəsinin icrasına başlayıb.
Bu barədə APA-ya Beynəlxalq İnkişaf Agentliyinin (USAİD) Azərbaycandakı nümayəndəliyindən məlumat verilib. Məlumata görə, layihə səhiyyə sektorunda idarəçilik, resursların idarə olunması, xidmətlərin keyfiyyəti, habelə əhalinin maarifləndirilməsi məsələlərinə əsas diqqəti yetirməklə səhiyyə sistemini təkmilləşdirmək üçün texniki yardım göstərəcək. Layihə öz işini USAİD-in əvvəlki səhiyyə layihələrinin nailiyyətləri üzərində quracaq. Layihə səhiyyə işçilərinin prioritet seçilmiş xəstəlikləri aşkar etmək və müalicə etmək bacarıqlarını artırmaqda mühüm rol oynayacaq. “Azərbaycanda səhiyyə sektorunun gücləndirilməsi” layihəsinin hədəfləri ana və uşaq sağlamlığı, neonatal qayğı, reproduktiv sağlamlıq/ailə planlaşdırılması, habelə vərəm xəstəliyi olacaq. Layihə, həmçinin bu prioritet sahələri ilkin tibbi xidmətlər sisteminə inteqrasiya etməyə davam edəcək.
USAİD-in Azərbaycandakı missiyasının direktoru Maykl Qrin bildirib ki, USAİD bu layihə çərçivəsində Azərbaycanda səhiyyə sektorunun gücləndirilməsi və səhiyyə xidmətlərinin keyfiyyətinin təkmilləşdirilməsi sahəsində Azərbaycan hökuməti ilə davamlı əməkdaşlığa ümid edir. Səhiyyə sektorunun gücləndirilməsi layihəsini həyata keçirmək üçün USAİD səhiyyə, sosial və ətraf mühit siyasəti, habelə beynəlxalq inkişaf sahələrində tədqiqat və
proqramların icrasında qlobal lider olan “Abt Associates” təşkilatını seçib. Bundan
öncə “Abt Associates” USAİD-in İlkin Səhiyyə Xidmətlərinin Gücləndirilməsi layihəsini
həyata keçirib.

USAİD