Sosial

Ana səhifə

Sosial

Ötən ay Azərbaycanda sanitar-gigiyenik normaları pozan 19 obyekt bağlanıb

13 dekabr 2011 10:23 (UTC +04:00)

Bu haqda APA-ya Respublika Gigiyena və Epidemiologiya Mərkəzinin (RGEM) qidalanma bölməsinin müdiri İmran Abdullayev bildirib. Onun sözlərinə görə, 19 obyektin istismarı dayandırılıb, 27 nəfər işdən müvəqqəti kənarlaşdırılıb.
İ.Abdullayev deyib ki, fiziki-kimyəvi göstəricilərinə görə 885 qida nümunəsi müayinə olunub. Onlardan 9-da normalardan kənara çıxma halları aşkarlanıb: “Ötən ay respublika üzrə mikrobioloji göstəricilərinə görə 774 qida nümunələri müayinə olunub, 18 nümunədə normadan kənara çıxma halları aşkarlanıb. Toksikoloji göstəricilərinə görə müayinə olunan 192 nümunədən 1-də kənara çıxma halı üzə çıxıb. Radioloji göstəricilərinə görə analiz edilən 41 yeyinti məhsullarında isə neqativ hal aşkarlanmayıb”.

Onun sözlərinə görə, şadlıq evlərindən 140 soyuq qəlyanaltı nümunəsi götürülüb, onların 4-də qeyri-kafi nəticələr aşkarlanıb. Götürülən təkrar nümunələrin müayinəsi zamanı isə nəticələr qənaətbəxş olub. Yeməkxana və şadlıq evlərindən götürülən 3960 yaxma nümunələrinin 79-da mikrobioloji çirklənmə aşkarlanıb.
Bundan başqa, ötən ay əhali arasında 49 qida zəhərlənməsi hadisəsi baş verib, bundan 53 nəfər zərər çəkib. Botulizm hadisəsi isə qeydə alınmayıb.

sanitariya _ gigiyena