Şuşa rayonunun Daşaltı kəndində 1992-ci ildə itkin düşən 1969-cu il təvəllüdlü Mikayılov Baba Balakişi oğlunun qalıqları anadan olduğu Şamaxı rayonunda dəfn olunub.
APA-nın Şirvan bürosu xəbər verir ki, bir müddət əvvəl tapılan qalıqlar Göylər kənd qəbiristanlığında torpağa tapşırılıb. Dəfn mərasimində Şamaxı İcra Hakimiyyətinin rəhbərliyi, rayon ictimaiyyətinin nümayəndələri iştirak edib.
***
13.27
Kütləvi məzarlıqda qalıqları tapılan 1969-cu il təvəllüdlü Mikayılov Baba Balakişi oğlunun qalıqları anadan olduğu Şamaxı rayonuna aparılıb.
APA-nın Şirvan bürosu xəbər verir ki, onu nəşinin qalıqlarını Şamaxı şəhərinin girişində rayon İcra Hakimiyyətinin rəhbərliyi, ictimaiyyət nümayəndələri qarşılayıb. Bundan sonra nəşin qalıqları mərhumun Göylər kəndindəki yaşadığı evə gətirilib. Vida mərasimindən sonra qalıqlar dəfn olunmaq üçün Göylər kənd qəbiristanlığına aparılıb.
Baba Mikayılov 1992-ci ilin yanvarında Şuşa rayonun Daşaltı kənində döyüşlərdə itkin düşüb. Onun qalıqları Daşaltı kəndi ərazisində kütləvi məzarlıqda aşkar edilib.
Qeyd edək ki, bir qədər əvvəl kütləvi məzarlıqlarda tapılan qalıqlar üzərində aparılan tədqiqatlar nəticəsində şəxsiyyəti müəyyən edilən itkin düşənlərin siyahısı açıqlanıb. 15 nəfər itkin düşmüş şəxsin aqibətinə aydınlıq gətirilib.
Onların 11 nəfəri hərbçi, 4 nəfəri mülki şəxsdir.
İndiyədək onlardan ikisi dəfn olunub. 15 nəfərdən 7-si Daşaltı kəndində, 4 nəfəri Kəlbəcər, 4-ü Füzuli rayonunda itkin düşənlərdir.
İlham Əhmədov
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
