Birinci Qarabağ müharibəsində itkin düşən, 30 il sonra dəfn edildiyi yer və kimliyi müəyyən edilən şəhid Şöhrət Telman oğlu Nuriyevin qalıqları Ucar rayonunun Əlikənd kəndinə torpağa tapşırılıb.
APA-nın yerli bürosunun xəbərinə görə, dəfn mərasimində şəhidin valideynləri, rayon İcra Hakimiyyəti təmsilçiləri, hüquq-mühafizə orqanlarının və ictimaiyyətin nümayəndələri iştirak ediblər.
Qeyd edək ki, şəhid Şöhrət Nuriyev 1969-cu ildə Ucar rayonunyn Əlikənd kəndində anadan olub.
Birinci Qarabağ müharibəsində iştirak edib, 1993-cü ilin aprelində Murov dağı istiqamətində itkin düşüb.
Şöhrət Nuriyevin Gəncədəki Şəhidlər xiyabanında naməlum şəhid kimi dəfn olunduğu aşkarlanıb və kimliyi müəyyən edilib.