Şuşa rayonunun Daşaltı kəndində 1992-ci ildə itkin düşən Hüseynov Gülverdi Ağahüseyn oğlunun qalıqları Abşeron rayonunun Qobu qəsəbəsində dəfn olunub.
APA xəbər verir ki, dəfn mərasimində Gülverdi Hüseynovun ailə üzvləri, qəsəbə sakinləri, ictimaiyyət nümayəndələri iştirak edib.
***
13.44
Kütləvi məzarlıqda qalıqları tapılan Hüseynov Gülverdi Ağahüseyn oğlu Abşeron rayonunun Qobu qəsəbəsində dəfn olunur.
APA xəbər verir ki, dəfn mərasimində Gülverdi Hüseynovun ailə üzvləri, ictimaiyyət nümayəndələri iştirak edir.
1951-ci il təvəllüdlü Gülverdi Hüseynov 26 yanvar 1992-ci ildə Şuşa rayonunun Daşaltı kəndində itkin düşüb.
Qeyd edək ki, bir qədər əvvəl kütləvi məzarlıqlarda tapılan qalıqlar üzərində aparılan tədqiqatlar nəticəsində şəxsiyyəti müəyyən edilən itkin düşənlərin siyahısı açıqlanıb. 15 nəfər itkin düşmüş şəxsin aqibətinə aydınlıq gətirilib.
Onların 11 nəfəri hərbçi, 4 nəfəri mülki şəxsdir.
İndiyədək onlardan ikisi dəfn olunub. 15 nəfərdən 7-si Daşaltı kəndində, 4 nəfəri Kəlbəcər, 4-ü Füzuli rayonunda itkin düşənlərdir.
Əli Əliyev
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
