Sosial

Ana səhifə

Sosial

İyunun 30-da SABAH qruplarına tələbə seçimi müsabiqəsinin test imtahanı mərhələsi keçiriləcək

28 iyun 2024 16:32 (UTC +04:00)

İyunun 30-da SABAH qruplarına tələbə seçimi müsabiqəsinin test imtahanı mərhələsi keçiriləcək.

Dövlət İmtahan Mərkəzindən APA-ya verilən xəbərə görə, tələbələr “İmtahana buraxılış vərəqəsi”ni iyunun 25-dən etibarən buradan çap edə bilirlər.

İmtahan saat 10:00-da başlanır. İmtahanın başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. Tələbələr imtahana aşağıdakı sənədləri gətirməlidirlər:

- İmtahana buraxılış vərəqəsi;

- Şəxsiyyəti təsdiq edən sənədin əsli.

İmtahanın idarəolunmasına 9 ümumi imtahan rəhbəri, 24 imtahan rəhbəri, 191 nəzarətçi, 27 buraxılış rejimi əməkdaşı (mühafizə), 9 bina nümayəndəsi ayrılıb.

İmtahanda 2025 tələbənin iştirakı nəzərdə tutulur.