APA-nın qərb bürosunun məlumatına görə, bu barədə şəhər İcra Hakimiyyətinin başçısı Elmar Vəliyev Gəncədə bu ilin 9 ayı ərzində görülən işlərlə bağlı hesabat yığıncağında bildirib. E. Vəliyev deyib ki, hazırda şəhəri iki hissəyə bölən Gəncə çayı üzərində 7 körpü var və bu körpülər uzun müddət, təmir edilmir.
“Nəqliyyat naziri Ziya Məmmədov Gəncədə olanda onunla söhbətimiz oldu. Şəhərdəki 7 körpünün əsaslı təmir edilməsinə razılıq verilib, gələn il mövcud körpülərdə əsaslı təmir işlərinə başlanılacaq”, - deyə o bildirib.
E. Vəliyev əlavə edib ki, şəhərdə avtomobillərin sıxlığını azaltmaq üçün Gəncə çayı üzərində Gülüstan qəsəbəsi istiqamətdə yeni körpü də salınacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
