Sosial

Ana səhifə

Sosial

Azərbaycan və Macarıstan sosial sığorta və pensiya təminatı sahəsində əməkdaşlığı dərinləşdirir - FOTO

Azərbaycan və Macarıstan sosial sığorta və pensiya təminatı sahəsində əməkdaşlığı dərinləşdirir - <span style="color: red;">FOTO

22 oktyabr 2013 13:39 (UTC +04:00)

Bakı. Aynur Əliyeva – APA-Economics. Bu gün Azərbaycan Dövlət Sosial Müdafiə Fondunun (DSMF) sədri Səlim Müslümov Bakıda səfərdə olan Macarıstan Milli Pensiya Sığortası üzrə Mərkəzi İdarəsinin baş direktoru Yozef Mezaroşla görüşüb.

«APA-Economics»in məlumatına görə, görüşdə Azərbaycanın sığorta-pensiya sistemində aparılan islahatlar, pensiya təminatı sahəsində beynəlxalq standartlara cavab verən vahid sistemin formalaşdırıldığı haqda məlumat verilib.

DSMF sədri S.Müslümov bildirib ki, islahatlar nəticəsində ödənilən sosial sığorta haqlarının fərdi uçot sistemi yaradılıb, müasir avtomatlaşdırılmış infrastruktur qurulub. Bu ilin iyul ayından etibarən Azərbaycanda beynəlxalq praktikada ilk dəfə olaraq pensiyaların avtomatlaşdırılmış qaydada vahid mərkəzdən təyinatına başlanılıb.

Y.Mezaroş isə Macarıstanın Azərbaycanla bu sahədə əməkdaşlığın daha da dərinləşməsində maraqlı olduğunu bildirib. Müzakirələr zamanı Macarıstanın sığorta-pensiya sistemi çərçivəsində real yığım komponentinin tətbiqi və ləğvi, özəl pensiya fondlarının fəaliyyətinin təşkili sahəsində təcrübəsi nəzərdən keçirilib.

Görüşdə həmçinin DSMF ilə Macarıstan Milli Pensiya Sığortası üzrə Mərkəzi İdarəsi arasında ikitərəfli əməkdaşlıq əlaqələrinin inkişaf etdirilməsi, bundan başqa, iki ölkə arasında sosial sığorta və pensiya təminatı sahəsində əməkdaşlıq haqqında hökumətlərarası sazişin imzalanması istiqamətləri üzrə müzakirələr aparılıb.