Bakı. Mübariz Aslanov - APA. Azərbaycanda cinayət üsulu ilə pul və digər əmlakın leqallaşdırılması, o cümlədən terrorçuluğun maliyyələşdirilməsi ilə bağlı qanunvericiliyə dəyişikliklər edilir.
Milli Məclisdən APA-ya verilən məlumata görə, dəyişiklik “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunun 4.0.9-cu maddəsinə edilir.
Dəyişikliyə əsasən, öz fəaliyyətinin tərkib hissəsi kimi vəsait alan, toplayan, verən və ya vəsait köçürən istənilən xarici dövlət qeyri-hökumət təşkilatının Azərbaycandakı nümayəndəlik və ya filialında da monitorinqlər aparılacaq.
Layihə Milli Məclisin 17 dekabr tarixli plenar iclasında müzakirəyə çıxarılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
