Bakı. Şəhriyar Əlizadə - APA. Ötən il Azərbaycanda qeyri-hökumət təşkilatlarının sayı artıb. APA-nın məlumatına görə, bu barədə Nazirlər Kabinetinin Milli Məclisə göndərdiyi 2012-ci ilə dair hesabatda bildirilib.
Ötən il 172 qeyri-kommersiya qurumu, 36 təhsil müəssisəsi dövlət qeydiyyatına alınıb, 182 mətbu orqan uçota götürülüb. Hazırda ölkədə dövlət qeydiyyatına alınan qeyri-kommersiya təşkilatlarının sayı 3800-ü, kütləvi informasiya vasitələrinin sayı isə 4700-ü ötüb.
QHT-lər tərəfindən qrant alınması haqqında müqavilələrin qeydiyyata alınması ilə bağlı nazirliyə 208 təşkilatdan 2011-ci illə müqayisədə təxminən 21 faiz çox - 39542,569 min manat məbləğində qranta dair 1054 müqavilə təqdim olunub. Qrant haqında qanunvericiliyi pozan QHT-lər cərimə olunub, fəaliyyəti qanunvericiliyə uyğun olmadığı üçün 187 təşkilata xəbərdarlıq edilib, 1 halda toplanmış məlumatlar hüquqi qiymət verilməsi üçün prokurorluğa göndərilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
