Bakı. Könül Kamilqızı - APA. Ötən gün Bakıda taxta bazarında baş verən güclü yanğın zamanı tüstüdən zəhərlənərək Kliniki Tibbi Mərkəzin Toksikologiya Mərkəzinə yerləşdirilən 4 nəfərdən ikisinin vəziyyəti yüngül, ikisinin vəziyyəti isə orta-ağır dərəcədə olub.
Səhiyyə Nazirliyinin baş toksikoloqu, Kliniki Tibbi Mərkəzin Toksikologiya Mərkəzinin müdiri Azər Maqsudov APA-ya açıqlamasında deyib ki, Fövqəladə Hallar Nazirliyinin (FHN) xilasediciləri olan 1991-ci il təvəllüdlü Xaliq Həsənov, 1973-cü il təvəllüdlü Rəşad Heydərov və 1990-cı il təvəllüdlü Kamran Əliyevin vəziyyəti yüngül olduğu üçün onlara ilki tibbi-yardım göstərilib və müvafiq məsləhətlər verildikdən sonra evə buraxılıblar.
Onun sözlərinə görə, yanğın baş verən bazarda işləyən 1984-cü il təvəllüdlü Şamo Dacıyev və 1991-ci il təvəllüdlü Elçin Heydərov vəziyyəti orta-ağır olduğu üçün bir sutka ərzində xəstəxanada qalıblar. Bu gün səhər onların da vəziyyəti stabil və sabit olduğu üçün evə buraxılıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
