Bakı. Rəşad Süleymanov - APA. Dövlət Sərhəd Xidmətində (DSX) görkəmli oftalmoloq alim, akademik Zərifə Əliyevanın anadan olmasının 91-ci ildönümü münasibətilə anım tədbirləri keçirilib.
DSX-nin mətbuat mərkəzindən APA-ya verilən məlumata görə, öncə xidmətin qadın hərbi qulluqçuları Fəxri xiyabanda Zərifə Əliyevanın məzarını ziyarət edib, daha sonra akademik Zərifə Əliyeva adına Milli Oftalmologiya Mərkəzində fəaliyyət göstərən muzeyə baxış keçiriblər. Ziyarətçilər muzeydə akademik Z. Əliyevanın həyatını, elmi və yaradıcılıq fəaliyyətini əks etdirən zəngin eksponatlara tamaşa ediblər. Burada ziyarətçilərə istedadlı alim, bacarıqlı pedaqoq, xeyirxah və qayğıkeş qadın Z. Əliyevanın həyat və fəaliyyəti haqqında məlumat verilib.
Anım tədbirləri DSX-in Aparatında Vaqif Mustafayevin Heydər Əliyev haqqında filmlər silsiləsindən “Əsl məhəbbət haqqında” sənədli filminin nümayişi ilə başa çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
