Bakı. Aynur Əliyeva – APA-Economics. Nəqliyyat naziri Ziya Məmmədov Sumqayıt şəhərində vətəndaşları qəbul edəcək. Görüş vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə təşkil edilir.
«APA-Economics»in Nazirliyin mətbuat xidmətinə istinadən verdiyi məlumata görə, Z.Məmmədovun Sumqayıtda vətəndaşlarla görüşü noyabrın 22-də saat 12:00-da şəhərin tarixi muzeyinin binasında (Sumqayıt şəhəri, Heydər Əliyev prospekti, IV mikrorayon) keçiriləcək. Tədbirdə Sumqayıt, Abşeron və Xızı rayonlarının sakinləri iştirak edə bilərlər.
Qəbula gəlmək istəyən vətəndaşların qeydiyyatı noyabrın 20-də, saat 09:00-dan 18:00-dək aşağıdakı ünvanlarda aparılacaq: Dövlət Avtomobil Nəqliyyatı Xidmətinin Sumqayıt Regional Şöbəsi (Sumqayıt şəhəri, S.Vurğun küçəsi,3), Abşeron «4 saylı İxtisaslaşdırılmış Müəssisə» MMC (Xırdalan şəhəri, Heydər Əliyev prospekti,25), Xızı 3 saylı Yol İstismarı İdarəsi (Xızı rayonu, Yeni Yaşma stansiyası).
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
