Bakı – APA. Azərbaycanın İnsan Hüquqları üzrə Müvəkkili (Ombudsman) Elmira Süleymanova UNİCEF-in ölkəmizdəki nümayəndəliyinin rəhbəri Mark Herevardı və onun əməkdaşlarını qəbul edib.
Ombudsma Aparatının mətbuat xidmətindən APA-ya verilən məlumata görə, görüşün məqsədi Ombudsmanın UNİCEF-in Azərbaycan nümayəndəliyi ilə əməkdaşlığı çərçivəsində son illərdə görülən işləri nəzərdən keçirmək və növbəti iki ildə birgə fəaliyyət istiqamətlərini müəyyənləşdirmək olub.
Görüşdə E.Süleymanova son illərdə Ombudsman ilə UNİCEF-in Azərbaycandakı Nümayəndəliyi arasında imzalanan İş Planları çərçivəsində görülən işlər barədə məlumat verib, uşaq hüquqlarının müdafiəsi və təbliği istiqamətində bir çox uğurlu işlərin görüldüyünü söyləyib.
M.Herevard Müvəkkilin insan hüquqları, o cümlədən uşaq hüquqları sahəsində fəaliyyətini yüksək dəyərləndirib, növbəti illərdə təmsil etdiyi qurumun Ombudsman təsisatı ilə əməkdaşlığının davam etdirəcəyini bildirib.
Müvəkkil 2013-cü ildə UNİCEF-in Azərbaycan nümayəndəliyinin fəaliyyətinin 20 illiyi münasibətilə “UNİCEF Azərbaycanda - 20 il” mövzusunda Gəncə, Şəki, Cəlilabad və Qubada birgə tədbirlərin keçirilməsini tövsiyə edib. E.Süleymanova və M.Herevard uşaqların hüquqlarının müdafiəsi naminə birgə əməkdaşlığın gələcəkdə də uğurla davam edəcəyini bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
