Bakı-APA. Aprelin 16-da güclü zəlzələnin baş verdiyi Ekvadorda Venesuela xilasediciləri 13 gün dağıntılar altında qalan şəxsi sağ olaraq xilas ediblər. APA-nın “TASS”a istinadən verdiyi xəbərə görə, bu barədə Venesuelanın Ekvadordakı səfirliyinin açıqlamasında bildirilir.
“Aprelin 29-da axşam saatlarında Venesuela xilasediciləri Xaramixo şəhərində axtarış işləri həyata keçirərkən uçmuş binanın qalıqları altından səs eşidiblər. Xilasedicilər uçqun altından 72 yaşlı Manuel Vaskesi aşkarlayaraq xilas ediblər”, - deyə məlumatda bildirilir.
Xilas olunan şəxsdə xroniki böyrək çatışmazlığı, həddindən artıq susuzlaşma və arıqlama qeydə alınıb. Bundan başqa o sol ayağının bir neçə barmağını itirib.
Xatırladaq ki, 7,8 bal gücündə olan zəlzələnin episentri ölkənin şimal-qərb hissəsində yerləşən Pedernales şəhərində qeydə alınıb. Zəlzələ nəticəsində ölənlərin sayı 660-a çatıb, 48 nəfər itkin düşmüş hesab edilir, 17 mindən çox sakin xəsarət alıb. Zəlzələ nəticəsində 1500 binaya ziyan dəyib, 18 min nəfər evsiz qalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
