Bakı. Musa Əhmədov – APA-Economics. “Pakistan Milli Bankı” Bakı filialı aktivlərinin həcmi 2016-cı ilin iyulun 1-nə 11,275 mln. manat təşkil edib ki, bu da ilin əvvəli ilə müqayisədə 2,65% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 3,86% azalaraq 2,117 mln. manat olub.
Bankın kredit portfelinin strukturunda vaxtı keçmiş kreditlərin həcmi 1 mln. 278,5 min manata çatıb. Başqa sözlə, vaxtı keçmiş kreditlərin kredit portfelində xüsusi çəkisi 60,4%-ə yüksəlib.
Bankın depozit portfeli hesabat dövrü ərzində 59,32% artaraq 578,11 min manata çatıb. Əhalinin əmanətlərinin həcmi isə 225,08 min manata bərabər olub ki, bu da ilin əvvəli ilə müqayisədə 11,84% çoxdur.
Hesabat dövrünə bankın məcmu kapitalı 10,358 mln. manat, nizamnamə kapitalı 9 mln. 420 min manat təşkil edib.
Bankın gəlirləri ilin əvvəlinə nisbətən 39,98% azalaraq 280,461 min manat, xərcləri isə 45,43% azalaraq 378,446 min manat təşkil edib.
Cari ilin altı ayı ərzində bank 101 min manat mənfəət əldə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
