Bakı – APA. Suriyanın Homs şəhərində ard-arda terror aktları törədilib.
APA-nın “Reuters”-ə istinadən verdiyi məlumata görə, terror nəticəsində 46 nəfər ölüb, 115 nəfər yaralanıb.
SANA agentliyi xəbər verir ki, Homsun mərkəzində yerləşən Əz-Zəhra məhəlləsinin Sittin küçəsində iki partlayış törədilib.
Partlayışların terrorçu-kamikadze tərəfindən törədildiyi bildirilir.
Terror aktına görə məsuliyyəti hələlik heç kim üzərinə götürməyib.