Bakı – APA. İstanbulun mərkəzi rayonlarından olan Şişli rayon bələdiyyəsinin binasında silahlı insident baş verib.
APA-nın “Hürriyet”ə istinadən verdiyi xəbərə görə, bələdiyyənin yeni istifadəyə verilmiş binasında yerli vaxtla saat 15:30-da atəş səsləri eşidilib. Bələdiyyə sədrinin müavini Cəmil Candaş sui-qəsdə məruz qalıb. Başından yaralanan C. Candaş ağır vəziyyətdə xəstəxanaya aparılıb.
Sui-qəsdi həyata keçirən 2 nəfər binada yaxalanıb. Polis hadisə yerinə gələrək təhqiqata başlayıb. Saxlanılan şəxslər bölməyə aparılıb.