Bakı - APA. Keçən il ABŞ-da avtomobilində 360 kq marixuana aşkarlanmış erməni Aşot Qriqoryan özünü günahkar sayıb.
APA-nın “Springfield News-Leader” nəşrinə istinadən verdiyi məlumata görə, 58 yaşlı A. Qriqoryan keçən ilin yanvarında maşınının yük yerindəki soyuducuda aşkarlanmış narkotiki satmaq məqsədilə saxladığını etiraf edib.
A. Qriqoryan 7 il azadlıqdan məhrum edilib, ancaq o, 120 gün sonra azadlığa çıxa bilər. Çünki A. Qriqoryan 120 günlük "şok saxlanılma" proqramına razılaşıb. 120 gündən sonra həbsxanada keçiriləcək məhkəmədə A. Qriqoryanın 5 il şərti azadlıqdan məhrum edilib-edilməyəcəyi barədə qərar veriləcək.
Qeyd edək ki, A. Qriqoryan 4 min dollar müqabilində maşını ilə 360 kq marixuananı Kaliforniyadan Nyu-Yorka aparıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
