Fövqəladə hallar naziri Kəmaləddin Heydərov tərəfindən 27 yanvar 2017-cı il tarixində Tovuz şəhərində keçirilməsi nəzərdə tutulan vətəndaş qəbulunun vaxtı dəyişdirilib.
APA-nın FHN-in saytına istinadən verdiyi məlumata görə, qəbul 28 yanvar 2017-ci il tarixi saat 11.00-a təyin edilib.
Qəbulda Tovuz, Ağstafa, Qazax, Şəmkir rayonlarının sakinləri və həmin rayonlarda məskunlaşmış məcburi köçkünlər iştirak edə bilərlər.
Qəbulda yalnız FHN-in fəaliyyəti ilə bağlı müraciətlərə baxılacaq.