"Azərbaycan Sənaye Sığorta" ASC 2017-ci ilin fevral ayında kənd təsərrüfatı bitkilərinin sığortası üzrə son 3 ilin ən böyük sığorta ödənişini həyata keçirib.
Şirkətdən "APA-Economics"ə verilən məlumata görə, belə ki, Ağcabədi, Bərdə, Beyləqan, Füzuli, İmişli, Samux, Tovuz, Tərtər rayonlarında şəkər çuğunduru əkin sahələrinə dolu nəticəsində ciddi ziyan dəyib. 62 fermerin əkdiyi şəkər çuğundurunun 481 hektarlıq sahəsinə dəymiş zərər üçün ümumilikdə 205 392 manat sığorta ödənişi verilib.