Bakı. Türbət Bağırova - APA. Rusiya Daxili İşlər Nazirliyinin Cinayət Axtarışı üzrə Baş İdarəsinin əməkdaşları ağır və xüsusilə ağır cinayətlərə görə axtarışda olan 35 yaşlı Azərbaycan vətəndaşını saxlayıblar.
APA-nın Rusiya Daxili İşlər Nazirliyinin saytına istinadən verdiyi xəbərə görə, saxlanılan şəxs saxta sənədlərlə Rusiya Federasiyası ərazisinə daxil olmağa cəhd göstərib. O, istintaqa təhvil verilib.