Bakı. Şəhriyar Əlizadə -APA. Bu gün Bakı Ağır Cinayətlər Məhkəməsində quldurluqda təqsirləndirilən Rafiq Həsənov və Sənan Kərimduxtun cinayət işi üzrə məhkəmə prosesi yekunlaşıb.
APA-nın məlumatına görə, məhkəmənin hökmü ilə təqsirləndirilən şəxslərin hər biri 10 il müddətinə azadlıqdan məhrum edilib.
Qeyd edək ki, həmin şəxslər Ceyhun Məmmədovun evinə daxil olaraq onun əl-qolunu bağlayıb, evdən pul və qızıl-zinət əşyaları aparıblar.