Gürcüstanda həyat yoldaşını xüsusi amansızlıqla qətlə yetirmiş azərbaycanlı 16 il müddətinə azadlıqdan məhrum edilib.
APA-nın yerli bürosunun məlumatına əsasən, bu barədə Gürcüstanın Baş prokurorluğu məlumat yayıb.
Məlumata əsasən, Rustavi şəhər məhkəməsi təqsirləndirilən şəxsi qətldə təqsirli bilib.
İstintaqla müəyyən olunub ki, bu il mayın 3-də Bolnisi rayonunda X.Nəbiyev həyat yoldaşı E.Quliyevaya qısqanclıq zəminində 16 bıçaq zərbəsi vurub.
Nəticədə E.Quliyeva ölüb.