Bakı. Viktoriya Dementyeva – APA. Azərbaycan “Şərq tərəfdaşlığı” ölkələri xarici işlər nazirlərinin Ermənistanda keçiriləcək iclasında iştirak etmək məsələsini nəzərdən keçirir. Xarici işlər nazirinin müavini Mahmud Məmmədquliyev APA-ya bildirib ki, bu iclas “Şərq tərəfdaşlığı”nın Vilnüs sammiti öncəsində son toplantı olacaq: “Ona görə də, sammitə hazırlıqla əlaqədar bu toplantıda iştirakımız mümkündür”.
Xatırladaq ki, sentyabrın 12-13-də Ermənistan paytaxtında “Şərq tərəfdaşlığı” ölkələri XİN rəhbərlərinin qeyri-rəsmi görüşü keçiriləcək. Elə həmin günlərdə İrəvanda “Şərq tərəfdaşlığı” ölkələri təhsil nazirlərinin də qeyri-rəsmi yığıncağı olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
