Turizm

Ana səhifə

Turizm

Tiflisdə 13-cü beynəlxalq “EXPO-2011” turizm sərgisi keçirilir - FOTO

Tiflisdə 13-cü beynəlxalq “EXPO-2011” turizm sərgisi keçirilir - <font color=red>FOTO</font>

14 aprel 2011 15:42 (UTC +04:00)

Tiflis. Nizami Məmmədzadə - APA. Bu gün Tiflis (Gürcüstan) şəhərindəki “Expo Georgia” sərgi mərkəzində 13-cü beynəlxalq “EXPO-2011” turizm sərgisi işə başlayıb.

APA-nın Gürcüstan bürosunun məlumatına görə, sərgini Gürcüstanın iqtisadiyyat və sabit inkişaf naziri Vera Kobaliya və ətraf mühitin mühafizəsi naziri Georgi Xaçidze açıb.

“EXPO 2011” adlı sərgiyə GUAM-a üzv olan ölkələrin nümayəndələrindən başqa, Türkiyə və Belarus turizm qurumlarının nümayəndələri də qatılıb. Üç gün davam edəcək sərgi zamanı müxtəlif tədbirlər və “Turizmdə innovasiya” mövzusunda konfrans keçirilməsi planlaşdırılıb.

Tədbirdə Ukrayna, Qazaxıstan, Türkiyə, İran, Azərbaycan, Moldova, Belarus və digər ölkələrdən gələn turizm işi üzrə nümayəndələr və “İmprotex” (Azərbaycan) şirkətinin nümayəndələri iştirak edib. Sərgiyə turizm sahəsində fəaliyyət göstərən təşkilatlarla bərabər Gürcüstanın turizm operatorları, mehmanxanaları və turizm sahəsində xidmət göstərən özəl şirkətlər də qatılıb. Sərgi çərçivəsində 55 turizm stendində 180 turizm şirkətinin və komplekslərinin turizm xidmətini əks etdirən materiallar təqdim olunur.

Qeyd edək ki, sərgidə Gürcüstanın turizm regionları xüsusi stendlərini nümayiş etdirirlər. Bu gün GUAM-ın baş katibi Valeri Çeçelaşvili və Gürcüstanda akkreditə olunan diplomatik korpusun nümayəndələri sərgini ziyarət ediblər.