Turizm

Ana səhifə

Turizm

Azərbaycanda “Turizm Məqsədli Coğrafi İnformasiya və Naviqasiya Sistemi” elektron xəritənin təqdimatı keçirilib - FOTO

Azərbaycanda “Turizm Məqsədli Coğrafi İnformasiya və Naviqasiya Sistemi” elektron xəritənin təqdimatı keçirilib - <font color=red>FOTO</font>

19 aprel 2011 13:57 (UTC +04:00)

Bakı. Ülkər Qasımova-APA. Bu gün Muzey Mərkəzində “Turizm Məqsədli Coğrafi İnformasiya və Naviqasiya Sistemi” layihəsinin təqdimatı keçirilib. APA-nın məlumatına görə, Mədəniyyət və Turizm Nazirliyinin təşəbbüsü ilə yaradılan layihənin məqsədi Azərbaycanda turizmin inkişafı naminə ölkənin elektron xəritəsinin və naviqasiya sisteminin yaradılmasıdır. Tədbirdə ilk öncə layihəylə bağlı hazırlanan video-çarx nümayiş olunub.
Mədəniyyət və turizm naziri Əbülfəs Qarayev bildirib ki, ölkə başçısı İlham Əliyev tərəfindən 2011-ci ilin - Turizm ili elan edilməsi çərçivəsində yaradılmış bu sistem turistlər və ölkə vətəndaşları üçün bir töhfədir. Nazirin sözlərinə görə, dünya standartlarına cavab verən və regionda analoqu olmayan elektron xəritə sistemi Transxazər bölgəsində aparıcı sistem inteqratorlarından biri olan Azərbaycanın SINAM şirkətinin mütəxəssisləri tərəfindən hazırlanıb: ““Bu tamamilə yeni bir sistemdir. İki ildir ki, nazirliyin sifarişi ilə “Sinam” şirkəti bu layihəni hazırlayır. Bu proqramın əsas çətin məqamı dünyada bu gün tətbiq olunan turizm axtarış texnologiyalardan istifadə edərək Azərbaycanın tam və dolğun xəritəsinin tərtib olunmasından ibarət idi. Bu layihənin hazırlanması ilə bağlı əvvəlcədən tender həyata keçirildi və tender əsasında sözügedən şirkət qalib oldu. İki il müddətində çoxsaylı əlavələr, dəyişikiklər oldu və nəhayət bu gün ictimiayyətin istifadəsinə verilir. Hesab edirəm ki, bu layihənin hazırlanması yeniləşən imecin formalaşdırılması üçün ən vacib amillərdən biridir”. Nazir qeyd edib ki, www.gomap.az internet ünvanında fəaliyyətə başlayan yeni elektorn xəritəsinin linkləri respublikanın turizm sahəsi ilə bağlı müxtəlif saytlarında yerləşdiriləcək.
Milli Elektron Turizm Naviqasiya Sisteminin elektron xəritəsinə 70 şəhər, 4530 yaşayış məntəqəsi, 3300 mədəni-tarixi abidə, 670 000 bina və tikililər, 43000 km yol, 23770 km yaşıllıq sahələri və meşələr və digər məlumatlar daxil edilib. Elektron xəritədə bu məlumatlar sxem və ya 3D formatındadır. Mədəni-tarixi abidələr üzrə fotolar da elektron xəritədə yerləşdirilib. Azərbaycan, ingilis və rus dillərində fəaliyyəti nəzərdə tutulmuş veb-portaldakı elektron xəritə hər hansı bir tikili miqyasına qədər böyüdülə bilər. Elektron xəritədə həmçinin mövcud olan digər bu tip sistemlərlə inteqrasiya oluna bilir. Xəritə üzərində onlayn trekinq funksiyası da var. Onlayn trekinq vasitəsilə turist marşrutlarını, turistləri, dağ-xizək zonalarında hərəkət edənləri peyk izləmə sistemi vasitəsilə müşahidəsi mümkündür. Həmçinin, fövqəladə hallar zamanı hadisə yerində olanların koordinatlarını təyin etmək mümkündür.