Turizm

Ana səhifə

Turizm

Nabranın turizm potensialının təqdimatı məqsədilə Xaçmaz rayonuna infotur təşkil ediləcək - FOTO

Nabranın turizm potensialının təqdimatı məqsədilə Xaçmaz rayonuna infotur təşkil ediləcək - <font color=red>FOTO</font>

02 iyun 2011 08:15 (UTC +04:00)

Bakı. Ülkər Qasımova - APA-Economics. “Turizm ili” çərçivəsində Mədəniyyət və Turizm Nazirliyinin dəstəyi və “Palma” İstirahət Mərkəzinin təşkilatçılığı ilə Nabranın turizm potensialının təqdimatı məqsədilə Xaçmaz rayonuna infotur səfəri təşkil ediləcək.

Mədəniyyət və Turizm Nazirliyinin turizm şöbəsindən “APA-Economics”ə verilən məlumata görə, Azərbaycanda 2011-ci ilin “Turizm ili” elan olunması ilə bağlı regionlarda turizmin müxtəlif növlərini inkişaf etdirmək, turizm xidməti obyektlərinə yerli turizm şirkətlərinin səfərlərinin mütəmadi şəkildə təşkil etmək, eyni zamanda daxili turizm bazarının fəallığını artırmaq məqsədilə layihənin birgə həyata keçirilməsi planlaşdırılır.

Layihənin məqsədi respublikamızın ən füsunkar rayonlarından biri olan Xaçmaz rayonuna yerli turizm şirkətlərindən və KİV-dən ibarət turizm üzrə infoturun təşkil olunmasıdır. İyunun 4-ü və 5-də keçiriləcək infoturda Mədəniyyət və Turizm Nazirliyi, turizm şirkəti əməkdaşları və KİV nümayəndələrindən ibarət 40 nəfərlik heyətin iştirakı nəzərdə tutulur.

Bundan əlavə, turizm şirkətləri və KİV nümayəndələri iki gün ərzində rayonda fəaliyyət göstərən mehmanxana və sanatoriyalar, eləcə də mədəni-tarixi abidələr və rayonun təbiəti ilə də tanış olacaqlar.

İnfotur Mədəniyyət və Turizm Nazirliyinin dəstəyi, “Palma” İstirahət Mərkəzinin təşkilatçılığı ilə baş tutacaq.