Turizm

Ana səhifə

Turizm

Bakı dünyanın ən bahalı şəhərlərinin reytinqində 19 pillə geriləyib - CƏDVƏL

Bakı dünyanın ən bahalı şəhərlərinin reytinqində 19 pillə geriləyib - <font color=red>CƏDVƏL</font>

14 iyun 2011 11:32 (UTC +04:00)

Bakı. Ülkər Qasımova - APA. ECA Beynəlxalq Təşkilatı ötən il olduğu kimi, bu il də dünyanın ən bahalı şəhərlərini müəyyənləşdirib. APA-nın təşkilatın saytına istinadən verdiyi xəbərə görə, Azərbaycanın paytaxtı Bakı şəhərində 2010-cu ildən fərqli olaraq, 2011-ci ildə bahalaşmanın olmadığı ortaya çıxıb.

Ötən ilin yekunlarına görə dünyanın ən bahalı 30-cu şəhəri olan Bakı bu il 49-cu yerə düşüb. Ötən il olduğu kimi, bu il də dünyanın ən bahalı şəhəri Tokiodur. Dünyanın ən bahalı şəhərləri sırasında ikinci yerdə Oslo, üçüncü yerdə Naqoya, dördüncü yerdə Stavanger, beşinci yerdə isə Yokohama qərarlaşıb.

Dünyanın 20 ən bahalı şəhərləri sırasında yer alan Sidneydə ərzağın qiyməti 5,2% artıb, Avstraliya dolları möhkəmlənib ki, bu da mənzillərin qiymətinə təsir edir.

Papua Yeni Qvineyada 9,7%, Banqladeşdə 7%, Vyetnamda 6,2%, İndoneziyada 5,8%, Honq Konqda isə 5,5% bahalaşma var. Xanoy, Kəraçi şəhərlərində isə digər şəhərlərdən fərqli olaraq, ucuzlaşma var. 242-ci pilləni tutan Kəraçi Asiyada və ümumilikdə dünyada ən ucuz yer hesab olunur.

Rusiyanın Moskva şəhəri dünyanın ən bahalı 14-cü, Sankt-Peterburq isə 38-ci şəhəridir.

Norveçin paytaxtı Oslo Avropanın birinci, dünyanın isə ikinci ən bahalı şəhəri hesab olunur.

Amerikanın ən bahalı şəhəri Venesuelanın paytaxtı Karakasdır. Ondan sonra Braziliyanın Rio-de-Janeyro və San-Paolo şəhərləri gəlir. Şimali Amerikada isə ən bahalı şəhər Vankuver, Ottava, Toronto və Manhettendir.

Afrikanın ən bahalı şəhəri Anqolanın paytaxtı Luandadır. Sonrakı yerlərdə Librevil və Kinşasa gəlir. Onu da bildirmək yerinə düşər ki, Afrika ən ucuz paytaxtlara sahibdir. Maseru, İsgəndəriyyə, Durban da dünyanın ucuz şəhərləri sırasına daxildir. Yaxın Şərqin ən bahalı şəhəri Tel-Əviv sayılır. Onunla Dubay arasında qiymət baxımından çox böyük fərq var. 175-ci pillədə qərarlaşan Dubaydan fərqli olaraq, Tel-Əviv 29-cu pillədədir.

ECA reytinq cədvəlini hazırlayarkən şəhərlərin qida, içki, siqaret, eyni zamanda geyim, texnika, yaşayış evləri və kommunal xidmətlərin qiymətlərini əsas götürüb.

Dünyanın ən bahalı 50 şəhəri

2011-ci il	Şəhərlər	Ölkələr	2010-cu il
1	Tokio	Yaponiya	1
2	Oslo	Norveç	2
3	Naqoya	Yaponiya	4
4	Stavanger	Norveç	6
5	Yokohama	Yaponiya	5
6	Sürix	İsveçrə	10
7	Luanda	Anqola	3
8	Cenevrə	İsveçrə	9
9	Kobe	Yaponiya	7
10	Bern	İsveçrə	11
11	Bazel	İsveçrə	12
12	Kopenhagen	Danimarka	8
13	Helsinki	Finlandiya	14
14	Moskva	Rusiya	15
15	Karakas	Venesuela	91
16	Sidney	Avstraliya	29
17	Stokholm	İsveç	20
18	Kanberra	Avstraliya	26
19	Librevil	Qabon	13
20	Paris	Fransa	16
21	Brisbane	Avstraliya	39
22	Seul	Koreya	19
23	Rio de Janeyro	Braziliya	27
24	Kinşasa	Konqo	22
25	Melburn	Avstraliya	36
26	Perth	Avstraliya	42
27	San-Paolo	Braziliya	52
28	Adelaide	Avstraliya	45
29	Tel-Əviv	İsrail	18
30	Hoteborq	İsveç	32
31	Abuja	Nigeriya	17
32	Braziliya	Braziliya	54
33	Yerusəlim	İsrail	21
34	Vyana	Avstriya	23
35	Berlin	Almaniya	25
36	Sinqapur	Sinqapur	68
37	Vankuver	Kanada	61
38	Sankt-Peterburq	Rusiya	59
39	Brüssel	Belçika	24
40	Ottava	Kanada	66
41	Dakar	Seneqal	58
42	Toronto	Kanada	70
43	Roma	İtaliya	38
44	Manhetten	Amerika	28
45	Honq Konq	Honq Konq	33
46	Pekin	Çin	55
47	Şanxay	Çin	46
48	Strasburq	Fransa	31
49	BAKI	AZƏRBAYCAN	30
50	Monreal	Kanada	73