Turizm

Ana səhifə

Turizm

Əbülfəs Qarayev “Turizm ili” ilə bağlı hazırlanan Tədbirlər Planına həsr olunmuş iclas keçirib - FOTO

Əbülfəs Qarayev “Turizm ili” ilə bağlı hazırlanan Tədbirlər Planına həsr olunmuş iclas keçirib - <font color=red>FOTO</font>

22 iyul 2011 07:34 (UTC +04:00)

Bakı. Ülkər Qasımova - APA. “Azərbaycan Respublikasında 2011-ci ilin “Turizm ili” elan edilməsi ilə bağlı Tədbirlər Planı” təsdiq edilib. APA-nın məlumatına görə, bununla əlaqədar mədəniyyət və turizm naziri Əbülfəs Qarayevin rəhbərliyi ilə iclas keçirilib.

Toplantıda nazir müavinləri, nazirliyin aparat rəhbəri, şöbə müdirləri və digər məsul əməkdaşları, Turizm İnstitutunun rektoru Cəfər Cəfərov, Azərbaycan Turizm Assosiasiyasının sədri Nahid Bağırov iştirak edib.

Nazir Ə.Qarayev tədbirin məqsədi barədə məlumat verərək bildirib ki, dövlət başçısının tapşırığına əsasən, “Turizm ili” ilə bağlı Tədbirlər Planının ilkin variantı bir neçə ay əvvəl hazırlanıb. O, turizm proqramlarının icrası ilə bağlı cavabdehliyi Mədəniyyət və Turizm Nazirliyinin daşıdığını da diqqətə çatdırıb. Nazir qeyd edib ki, hazırda Heydər Əliyev Fondunun təşkilatçılığı ilə Qəbələdə III Beynəlxalq Musiqi Festivalı keçirilir. Dünyanın bir çox ölkələrindən bu tədbirə insanlar gəlir: “Turizm şirkətləri də bu qonaqların gəlməsində, yerləşdirilməsində böyük fəallıq göstərirlər. Bu artıq mədəniyyətlə turizmin uzlaşması, birgə fəaliyyətidir”.

Turizm sənayesi üçün kadr hazırlığı məsələsinə toxunan nazir “Turizm ili” bağlı Tədbirlər Planında bu istiqamətin də əksini tapdığını qeyd edib: “Son vaxtlar turizm sənayesində kadr hazırlığı ilə bağlı ciddi irəliləyişlər var. Ötən həftə Turizm İnstitutunu əla qiymətlərlə bitirən bir qrup məzunla görüşdüm. Milli diplomlarla yanaşı, Avstriyanın Krems Universitetinin də diplomlarını alan bu məzunlarla söhbətdən aydın oldu ki, onların hamısı artıq öz iş yerlərini müəyyənləşdiriblər. Onlar çox maraqlı yenilikləri tətbiq etməyə hazır olan bir qüvvədir. Hesab edirəm ki, Tədbirlər Planında Azərbaycan turizm təhsilinin təkmilləşdirilməsinə dair verilən tapşırıqlar bu sahədə daha geniş işlər görməyə imkan verəcək”.

İclasda Tədbirlər Planında göstərilənlərin yüksək səviyyədə icrası üçün konkret tapşırıqlar verilib.