Turizm

Ana səhifə

Turizm

Əbülfəs Qarayev: “Qusarda Qış Olimpiya Kompleksinin tikintisinə ümumilikdə 2 milyard manat sərmayə qoyulacaq”

20 sentyabr 2011 10:17 (UTC +04:00)

APA-nın məlumatına görə, bu fikirləri Mətbuat Şurasında keçirilən tədbirdə mədəniyyət və turizm naziri Əbülfəs Qarayev deyib.

Ə. Qarayev bildirib ki, bu layihəyə beynəlxalq sərmayənin cəlb edilməsi üçün tender elan olunub.

Nazirin sözlərinə görə, Qusarda turizmin inkişafı ilə bağlı keçirilən tədbirlər işsizliyin səviyyəsinin azaldılmasına böyük təsir göstərəcək.

Ə. Qarayev mehmanxana sektorunun inkişafı məqsədi ilə dövlətin geniş imkanlar yaratdığını da söyləyib: “2001-ci ildə ölkədə 6 min yerlik mehmanxana mövcud idisə, hazırda 35 548 yerlik mehmanxana sektoru fəaliyyət göstərir. Bu ilin sonuna qədər daha 6 yeni mehmanxananın açılışı da nəzərdə tutulub”.

Nazir bildirib ki, Azərbaycanda bu il ilk dəfə olaraq daxili turizmin araşdırılmasına da başlanılacaq. Bu layihə Ümumdünya Turizm Təşkilatı ilə birgə həyata keçiriləcək: “Bəzən iş adamları bizim müvafiq qurumla məsləhətləşmədən, turizm müəssisəsi və ya mehmanxana inşa edirlər. Həmin müəssisə ilə tanışlıq nəticəsində ciddi problemlərin olduğu meydana çıxır. Belə halda biz onlara lisenziya vermirik. Sonra isə onlar bu vəziyyəti başqa cür analiz etməyə başlayırlar”.

Ə. Qarayev Qobustanın Tarix Muzeyinin də bu ilin sonunadək tikintisinin yekunlaşacağını da diqqətə çatdırıb: “4 min hektarlıq muzey ərazisi kənar təsirlərdən qorunmaq üçün hasarlanıb. Muzey açıq hava yerləşdiyinə görə daxili yolar çəkilib”.