Bakı. Cavid Zeynalov – APA. Daşkənddə “Böyük İpək Yolu ilə turizm” 19-cu Beynəlxalq Turizm Yarmarkası işə başlayıb. APA-nın məlumatına görə, tədbirdə Azərbaycan da daxil olmaqla dünyanın 40-dan artıq ölkəsindən gəlmiş turizm şirkət və firmaları, mehmanxana biznesi sahəsinin mütəxəssisləri, dövlət strukturlarının nümayəndələri iştirak edir. Mədəniyyət və Turizm Nazirliyindən APA-ya verilən məlumata görə, Azərbaycanı nazirliyin əməkdaşları Mahir Qəhrəmanov və Cəmil Kəlbəliyev təmsil edirlər. Azərbaycan üçün ayrılmış pavilyonda dövlətimizin bayrağı, turizm potensialını əks etdirən reklam-çap materialları, müxtəlif kitab və bröşurlar, suvenirlər, milli musiqi alətləri nümayiş etdirilir, iştirakçılara reklam-çap materialları paylanır.
Tədbirdə Daşkənddəki Heydər Əliyev adına Azərbaycan Mədəniyyət Mərkəzinin nəzdində fəaliyyət göstərən "Azəri qızları" uşaq rəqs ansamblı və "Azərbaycanım" musiqi qrupu çıxışı edib. Turizm yarmarkası 3 gün davam edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
