Bakı. Anaxanım Hidayətova – APA-Economics. Azərbaycan baş nazirinin müavini Abid Şərifov Ukraynanın Krım Muxtar Vilayətinin Nazirlər Sovetinin sədr müavini Georgi Psarevlə görüşüb.
“APA-Economics”in xəbərinə görə, bu barədə Krımın kurortlar və turizm naziri Aleksandr Liyev açıqlama verib.
Onun sözlərinə görə, görüşdə əsas müzakirə mövzusu turizm sahəsində ikitərəfli münasibətlər olub: “Hazırda Azərbaycanın əmək və əhalinin sosial müdafiəsi nazirinin başçılıq etdiyi nümayəndə heyəti Krımda səfərdədir. Heyət yarımadanın dörd bölgəsində 14 obyektə baxış keçirib və onlardan 10-nu bəyənib. Azərbaycandan müxtəlif sosial qrupların bu sağlamlıq obyektlərində istirahətinə sentyabrdan başlanacaq”.
Öz növbəsində A.Şərifov Krım və Azərbaycan arasında turizm axınının artmasından razılığını bildirib: “Turizm axınının daha da artması üçün regionlar arasında birbaşa aviareyslərin açılması zəruridir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
