Qusar - Vəli Turan - APA. Azərbaycanın Mədəniyyət və Turizm Nazirliyi Xarici İşlər Nazirliyi ilə birlikdə Azərbaycanda fəaliyyət göstərən 30 ölkənin diplomatik nümayəndəliklərinin təmsilçiləri üçün Qusar rayonuna infotur təşkil edib. APA-nın şimal bürosunun xəbərinə görə, qonaqlara Qubanın tarixi, təbiəti və turizm potensialı haqqında məlumat verilib. Diplomatlar Şahdağ Qış-Yay Turizm Kompleksində olublar. Qusar Mədəniyyət Evində onlar incəsənət ustalarının çıxışlarını izləyiblər, daha sonra Rəsm Qalereyasında, Tarix-Diyarşünaslıq Muzeyində və Heydər Əliyev Mərkəzində olublar.
İki günlük infoturun məqsədi xarici diplomatları Azərbaycanın, xüsusilə də Quba-Qusar bölgəsinin zəngin turizm potensialı, tarix-memarlıq abidləri, milli mətbəxi və adət və ənənələri ilə tanış etməkdir.
Azərbaycanın turizm potensialı ilə tanışlıq və təbliğat məqsədilə bu cür turların mütəmadi keçirilməsi nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
