Bakı. Cavid Zeynalov - APA. İyunun 25-dən 29-dək keçiriləcək II Bakı Beynəlxalq Turizm Filmləri Festivalının beynəlxalq münsiflər heyətinin siyahısı açıqlanıb.
Mədəniyyət və Turizm Nazirliyindən APA-ya verilən məlumata görə, festivalın müsabiqə proqramında 37 ölkədən 68 film mübarizə aparacaq.
Filmləri kinematoqrafçılardan, səyahət və turizm ekspertlərindən ibarət 7 nəfərlik beynəlxalq münsiflər heyəti qiymətləndirəcək. Münsiflər heyətinin 3 üzvü - Ayaz Salayev, Aynur Talıbova və Vüqar Şıxəmmədov Azərbaycan, 4 üzvü - Aleksandr Kammel, Spomenka Saraqa, Tofiq Şahverdiyev, Can Özbatur isə xarici ölkələrin təmsilçiləridir.
Qeyd edək ki, Bakı Beynəlxalq Turizm Filmləri Festivalının informasiya dəstəkçilərindən biri APA İnformasiya Agentliyidir.