Lənkəran. Ağəddin Babayev – APA. İtaliyanın Kirveti və Azərbaycanın Lənkəran şəhərləri qardaşlaşıb. APA-nın Cənub bürosunun məlumatına görə, bu məqsədlə Lənkərana səfər edən Kirveti şəhərinin meri Allessio Paskuçini bu gün Lənkəran şəhər İcra Hakimiyyətinin (ŞİH) binasında rayon rəhbərliyi ilə görüş keçirib. Görüş zamanı qonağa Lənkəran haqqında ətraflı məlumat verilib. Bildirilib ki, 2 şəhər, 4 qəsəbə, 83 kənddən ibarət olan Lənkəran rayonu aqrar sənaye və kənd təsərrüfatı mərkəzi olmaqla yanaşı, həm də turizm bölgəsidir.
Görüş zamanı mer A.Paskuçini ilə Lənkəran rayon rəhbərliyi arasında Lənkəran və Kirveti şəhərinin qardaşlaşması haqqında memorandum imzalanıb. Daha sonra qonaqlar Lənkəranın tarixi yerlərini gəzib, şəhərin turizm potensialı ilə yaxından tanış olublar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
