Bakı. Könül Kamilqızı – APA. “Son 5 il ərzində Azərbaycana gələn turistlərin sayı artıb”. APA-nın xəbərinə görə, bunu Mədəniyyət və Turizm Nazirliyinin Turizm şöbəsinin təbliğat sektorunun müdiri Vüqar Şixəmmədov II Bakı Beynəlxalq Turizm Filmləri Festivalının başlanması ilə bağlı keçirilən mətbuat konfransında deyib. O bildirib ki, təkcə ötən il Azərbaycana 2 milyon 500 minə yaxın turist gəlib.
V. Şıxəmmədov qeyd edib ki, ölkəyə daha çox qonşu ölkələrdən Rusiya, Türkiyə, İran və Gürcüstan, həmçinin Avropa ölkələrindən turistlər gəlir: “Azərbaycanın dünyada tanınması istiqamətində məqsədli və əməli iş aparılır. Ölkənin tanınmasında Azərbaycanla bağlı çəkilən reklam çarxlarının müstəsna rolu olub. Gələcək illərdə ölkədə keçiriləcək turizm festivallarının təcrübəsindən də istifadə ediləcək”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
