Bakı - APA. Rusiyalı milyarder Alişer Usmanov Londonun "Arsenal" futbol klubundakı payını 30,04%-ə çatdırıb.
APA-nın "Daily Mail" nəşrinə istinadən verdiyi xəbərə görə, biznesmen əlavə olaraq kluba məxsus 18 min səhmi alıb.
A. Usmanov "Arsenal"ın səhmdarları sırasına 2007-ci ildə daxil olub. O zaman rusiyalı milyarder 14,58% səhm paketinə sahiblənib.
Klubun əsas səhmdarı 67%-lik səhm paketinə nəzarət edən amerikalı biznesmen Stena Kronkedir.