Tehran. Süleyman Fərzəliyev - APA. Təbrizdə güclü yağış fərdi evin damının uçmasına səbəb olub, nəticədə bir ailənin 4 üzvü ölüb.
APA-nın Tehran bürosunun məlumatıma görə, hadisə dünən axşam baş verib.
Hadisə nəticəsində ailə başçısı, onun həyat yoldaşı, habelə 5 və 1 yaşlı övladları ölüb. Ölən uşaqların ikisi də oğlandır.
Hadisəyə səbəb kimi evin tikintisi zamanı istifadə olunan keyfiyyətsiz materialların güclü yağışa tab gətirməməsi göstərilir.