Bu ilin yanvar-may aylarında SOCAR Bakı-Novorossiysk boru kəməri ilə 478,9 min ton neft nəql edib.
“APA-Economics”in “İnterfax” agentliyinə istinadən verdiyi xəbərə görə, bu barədə Rusiyanın Yanacaq-Energetika Kompleksinin Mərkəzi Dispetçer İdarəsindən məlumat verilib.
Məlumatda deyilir ki, “Trnasneft” şirkətinin sistemi ilə bu ilin yanvar-mat ayları ərzində Azərbaycandan Novorossiysk limanına 478,9 min ton neft nəql edilib. Bunun 80 min tonu may ayında ixrac edilib.
2017-ci ilin yanvar may ayında Bakı-Novorossiysk boru kəməri ilə nəql edilən Azərbaycan neftinin həcmi 573,8 min ton təşkil edib. Beləliklə, 2018-ci ilin yanvar-may aylarında Şimal boru kəməri ilə Azərbaycan neftinin nəqli 16,6% azalıb.
Qeyd edək ki, 2017-ci ildə SOCAR Bakı-Novorossisysk boru kəməri ilə ümumilikdə 1 mln. 498,1 min ton nəql edib. Azərbaycan 1997-ci ildən Bakı-Novorossiysk boru kəməri ilə neft nəql edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
